DAVAO CITY – Malampuson ang unang adlaw sa pilot testing sa limited face-to-face classes sa walo ka mga tulunghaan sa Davao Region kagahapon.
Gipangandaman sa mga magtutudlo ang pagbalik sa mga estudyante nila sa ilang mga classroom pinaagi sa paghinlo ug pag-recalibrate niini aron mahisubay sa guidelines sa DepEd alang sa pagpatuman og physical distancing sa mga bata.
Sa Clib Primary School sa Hagonoy, Davao del Sur, nakabalik na sa classroom ang pito ka mga tinun-an gikan Grade 1 hangtod Grade 2.
Gamay lang kini kung itandi sa 22 ka mga estudyante nga ilang gilauman alang sa unang adlaw sa klase karong adlawa.
Gawas sa Clib Primary School, pito ka uban pang mga tunghaan sa Davao Region ang nagsugod na sa limitadong physical classes nga gilangkuban sa: Sa Davao Region apil sab ang Nodilla ug Tacub Elementary School sa Kiblawan, Davao del Sur, Bares Elementary School sa New Bataan, Davao de Oro, Parasan Integrated School sa Pantukan, Davao de Oro ug ang Lower Panansalan Elementary School, Maugat Elementary School ug Digaynon Integrated School sa Compostela, Davao de Oro.
Kabahin lamang ang mga nahisgutan sa kinatibuk-ang 100 ka mga pangpublikong mga tunghaan sa Pilipinas nga giaprubahan alang sa pilot testing sa physical classes.
