DAVAO CITY – Migawas sa survey nga usa ang Pilipinas sa mga nasud nga adunay maanyag nga kababaihan sa Asya.
Mipwesto ang Pilipinas sa ikaupat sa “20 Countries with the Most Beautiful Women in Asia” sa gipagawas nga report sa financial website nga Insider Monkey.
Nag-una ang South Korea sa listahan, gumikan kay ordinaryo na ang plastic surgey sa nahisgutang nasud kung diin halos usa sa lima ka mga babaye ang mipailalom sa beauty enhancement procedure.
Gikalkula sa pagtuon ang scores gikan sa nagkadaiyang sources ginamit ang “consensus-driven approach” aron masayran ang rankings, kung diin pinakataas ang score nga 1.
Nakakuha ug Pilipinas ug score nga 0.85 ug subay sa report, naila ang Pilipinas sa maanyag nga kababaihan gumikan sa unique blend nga Asian ug Spanish.
Samtang ang mga top 20 nga adunay pinakaanyag nga mga kababaihan sa Asya kini ang gilangkuban sa: South Korea, Japan, Vietnam, Pilipinas, Iran, Malaysia, India, China, Singapore, Thailand, Indonesia, Hong Kong, Macau, Bhutan, Taiwan, Kazakhstan, Sri Lanka, Pakistan, Myanmar, ug Laos.
