Nipasidaan sa kalit nga pagdagayday sa lahar gikan sa Bulkang Kanlaon ang Philippine Institute of Volcanology (Phivolcs) ug Office of the Civil Defense (OCD) taliwala sa gipaabot nga kusog nga pag-ulan dala sa Low Pressure Area (LPA) ug Hanging Habagat sa Negros Island.
Sumala pa ni OCD Negros Island Region Director Donato Sermeno III, nga ang kusog nga uwan mahimo nga magdala og dugang nga ash fall ug debris sa nakalabay nga pagbuto sa bulkan na hinungdan sa mud flow o lahar.
Gani niadtong nakalabayng adlaw, usa ka ala-semento nga lahar ang natala sa daplin sa Buhangin River ug ilawom sa Hacienda 92 Bridge sa Barangay Sag-ang ug Ibid Creek sa Barangay Biak-na-bato sa lungsod sa La Castellana sa Negros Occidental.
Gikataho usab nga adunay lapok nga alisngaw sa suba ilawom sa Intiguiwan bridge sa Barangay Guinpana-an sa lungsod sa Moises Padilla.
Niining bahina, gitambagan sa OCD ang mga residente nga nagpuyo duol sa mga suba ug mga agianan sa palibot sa bulkan nga magpabiling alerto sa posibleng kalit nga pag-agos sa lahar ug sundon ang mga instruksyon sa pagbakwit ug kaluwasan gikan sa mga lokal nga awtoridad.
