DAVAO CITY – Nagadawat na matud pa karon ang Philippine Identification System (PhilSys) registration centers ug mga walk-ins gumikan kay buot karun sa kagamhanan nga mas daghanan pang mga Filipino ang makaangkon ug kaugalingon nila nga Philippine Identification (PhilID) o national ID.
Sumala pa sa Philippine Statistics Authority (PSA) – 11 ang mga walk-in registrants kinahanglan adunay valid ID ug uban pang dokumento ug mag fill up sa information sheet.
Ang PSA-PhilSys staff mangutana sa registrant nga i-verify ang information nga naka-encode ayha musibog sa Step 2 biometrics process.
Kinahanglan nga wala nakabutang nga make-up ug accessories samtang kuhaan ug hulagway ug dili sab itugot ang pagbutang ug contact lenses sanglit makakabag kini sa iris scan.
Nasayran nga anaa na kapin 70 milyones ka mge Filipino ang nakatapos na sa registration process kaniadtong 2021.
Gipanday ang maong balaud ni Pangulong Rodrigo Duterte kaniadtong Agosto 2018 o ang Republic Act 11055, or the Philippine Identification System Act, diin tumong niini nga makamugna ug national ID nga alang sa tanan nga mga Filipino ug resident aliens.
