Gipaklaro sa Philippine Space Agency (PhilSA) nga ang nasaksihan matud pa nga usa ka talagsaong talan-awon sa kalangitan niadtong nakalabayng gabii ngadto sa mga nagkadaiyang bahin sa Mindanao, partikular na dinhi sa dakbayan, dili matud pa kini usa ka meteor shower apan usa sumala pa kini ka debris.
Pagpaklaro sa PhilSA nga ang maong mga nakita niining daw usa matud pa ka mga meteor shower, maoy usa sumala pa kini ka remnants kon retaso gikan sa duha ka mga Chinese Rockets.
Ang maong debris, nilahos kini padulong sa kadagatan nga palibot sa Pilipinas.
Hinuon, walay gikatahong adunay nadamyos sa maong pagkahulog sa mga debris gikan sa maong rockets.
Daghan ang nagkatawa, gumikan aduna matud pay pipila ka mga indibidwal ang nag wish niadtong mga tungura samtang naglantaw sa ilahang gituohang meteor shower.
Adunay nagkanayon nga nasayop sumala pa ang ilahang pag-wish gumikan ang mga rockets gikan sumala pa kini sa China og dili usa ka meteor, rason nga gitawag ang mga wish sa pipila ka mga indibidwal nga nag wish apan made in China.
