DAVAO CITY – Gibutyag sa usa ka local environment group nga Interface Development Interventions for Sustainability (IDIS) nga usa ka Philippine Sailfin Lizard ang namatikdan nga wala nay kinabuhi daplin sa Panigan-Tamugan watershed sa Baguio District ning siyudad.
Gikonsidera sumala pa kini nga endemic sa nasod ug namatay kini tungod sa samad pinusilan.
Sumala pa kang IDIS executive director Mark Peñalver nga ang namatay nga lizard o mas nailang “ibid,” ang namatikdan atol sa routine river cleanup ug brand audit nga gipahigayon sa grupo uban ang mga miyembro sa Bantay Bukid.
Namatikdan sab sa team ang lain pa nga “ibid” nga duol lamang sab sa namatay nga kauban niini.
Tungod niini, nanawagan si Peñalver sa local government nga palig-onon pa ang pagpaningkamut aron nga ma-protektahan ang susama nga mga hayop dungan usab sa kampanya ug slogan sa siyudad nga “Life is here in Davao,” diin angayan sumala pa nga ilakip niini ang mga natural resources ingon man mga hayop nga anaa sa kalasangan.
