Nakatabang ang Philippine Red Cross (PRC) sa 246 ka pasyente atol sa selebrasyon sa Feast of the Nazarene sa Manila gikan Enero 8 hangtod 9, sa tibuok adlaw.
Subay sa opisyal nga report, sa mga pasyente nga gi-atiman, 140 ang gimonitor sa vital signs, samtang 93 ang nakasinati og minor nga problema sama sa dizziness, gagmay nga samad, abrasion, ug sprain. Siyam usab ang nakasinati og major cases sama sa lalom nga samad, kusog nga sakit sa ulo, ug puncture wounds.
Upat ka pasyente ang gidala sa ospital alang sa mas tukmang pag-atiman: duha sa Philippine General Hospital (PGH) nga unresponsive, usa sa East Avenue Medical Center nga nagreklamo og kasakit sa lawas, ug usa sa Tondo Medical Center nga adunay rib fracture.
Sa laing bahin, 20 ka tawo ang nakadawat og welfare assistance, 11 ang nakasinati sa Psychosocial First Aid, walo ang girefer sa laing serbisyo, ug usa ang nakapahimulos sa libreng tawag.
Usa ka dakong operasyon ang gipahigayon sa PRC uban sa mobilisasyon sa kapin sa 1,200 ka staff ug volunteers aron masiguro ang kaluwasan ug kahimsog sa mga deboto sa dagkong kalihokan.
