Nakapasulod na ang pipila ka Philippine-flagged ships sa Strait of Hormuz human sa kasabutan tali sa Philippines ug Iran, sumala kang Energy Secretary Sharon Garin.
Sa usa ka online press conference, giingon ni Garin nga ang mga barko wala pa magdala og lana, kundili lain pang produkto sama sa petrochemicals.
Gibutyag niini nga importante ang klaro nga clearance dili lamang sa mga barko sa Pilipinas, kundili usab sa mga kargamento padulong sa nasud ug sa kaluwasan sa mga crew.
Ang Strait of Hormuz nailhan isip usa ka gamay mga nga agianan sa dagat nga nagsumpay sa Persian Gulf ug Gulf of Oman paingon sa Arabian Sea, diin moagi ang halos 20% sa suplay sa lana sa kalibutan.
Kahinumdoman nga gisirad-an kini sa Iran human sa mga pag-atake sa U.S. ug Israel.
Sumala sa mga report, libo-libong Filipino seafarers ang nagpabiling stranded sa Persian Gulf ug sa maong Strait, lakip ang wala pa maapil nga mga nagtrabaho sa offshore facilities.
Samtang, ang Department of Migrant Workers nagpasalig nga ilahang ginabuhat ang tanang lakang aron matabangan ang mga Pilipinong crew nga naapektuhan sa gubat.
