DAVA CITY – Nakuhanan ug hulagway ang usa ka Philippine Eagle nga unang naplagan sa mga kalasangan duol sa Mt. Candalaga, sa Maragusan, Davao de Oro.
Sigon sa nahimong pagpanubay sa PENR Office of Davao de Oro ug CENRO Monkayo, nakita ang maong agila niadtong Oktubre 12, sa taknang alas-10:55 sa buntag, sa gitas-ong 1200 meters above sea level.
Nakig-alayon na ang Municipal Environment and Natural Resources ug mga barangay officials alang sa hugot nga pagbantay ug pagkonserba sa Mt. Candalaga Range diin napalgan ang maong mananap nga gikonsidera sab nga National Integrated Protected Area System.
Nagpasabot sab kini nga gikonsidera ang maong lawak isip pinuy-anan sa Philippine Eagle.
Hugot nga ginadili ang mga aktibidad sulod sa mountain range sama sa trekking ug mountaineering.
Tungod sa maong sighiting, madasigon ang DENR 11 uban ang mga forest rangers ug conservationists sa pagpanalipod sa kinaiyahan ilabi na sa pagbantay sa pinakadakong langgam sa tibuok nasud.
via || Bombo LJ Florendo
