DAVAO CITY – Gipili ang Philippine Eagle Foundation isip benepisyaryo sa pgahimoong MICECON 2023 karon Marso ning tuiga.
Malipayon kining gipaambit ni Kennedy Kapulong, kanhi co-chairman sa MICECON 2023 nga nagkanayong usa sa mga nag-unang simbolo sa kalig-on ug kakusog ang agila.
Ug ang pagprotekta sa maong simbolo sa dakbayan, usa sa mga dagkong adbokasiya sa Department of Tourism alang sa sustainable tourism.
Dugang pa sa mga tigdumala, ilado ang Davao City nga susama sa agila nga ginaprotektahan karon sa Philippine Eagle Foundation busa haom lamang nga pilion ang organisasyon isip ilang benepisyaryo.
Usa sab kini ka maayong entablado aron mapasundayag ang adbokasiya sa PEF alang sa pagpakuyanap sa ilang conservation efforts.
Ang tanang kita sa maong panagtapok, ihatag ngadto sa maong organisasyon.
Mapasalamaton ang PEF sa mga tigdumala sa MICECON 2023 sa pagpili kanila isip mga benepisyaryo sa maong programa.
Ipahigayon ang maong kumperensya karong umaabot nga Marso 1 hangtuid 3 ning tuiga.
via || Bombo LJF
