Nahimo matud pang hagit sa Philippine Eagle Foundation karong panahona ang pagbuhi og mga Agila gumikan na usab sa kakulangan sa mga kalasangan sa nasud.
Sumala pa ni Harold Kim Manila, Forest Restoration Marketing Officer, nga ning kasamtangan aduna na lamang 392 eagle pairs sa tibuok Pilipinas.
Gumikan sa pagkinahanglan og mukabat sa 7 hectares forest land alang sa usa ka Agila ug 11 hectares usab alang sa usa ka pares sa Agila, laraw karon sa buhatan nga matuman ang target nga 3 million trees nga pwedeng matanom sa Mindanao Area ug uban pang mga dapit sa nasud.
Gawas niini, tumong sad sa buhatan nga makipagkoordinar sa Indigenous People Communities alang sa conservation sa Magestic Philippine Eagle gumikan sila mismo ang anaa sa mga area nga sagad ginapuy-an sa Agila.
Sa karon, giawhag niini ang tanan mga magtinabangay aron malikay sa pagkahurot sa ilang ihap hilabi pa sa bag-ohay lamang nga kamatayon ni Mangayon ug bag-ohay lamang nga pagkakaplag kay Uswag nga wala nay kinabuhi bisan paman bag-ohay lamang kini narelease sa kalasangan kaniadtong Hunyo 28 sa Burauen, Leyte.
Kahinumduman nga nikabat na sa P100,000 ang gitanyag nga reward money sa makahatag og impormasyon sa responsable kay Mangayon uban ang pahinumdom sa publiko nga mahinungdanong ampingan ang wildlife species nga nakatampo og dako sa ecological balance sa tibuok kalibutan.
