DAVAO CITY – Gikatakda nga ibalhin sa Philippine Eagle Foundation sunod bulana ang mga agila sa Barangay Malagos baguio district ngadto sa Barangay Eden Toril District isip ilang bag-ong breeding facility sa Philippine Eagle.
Sumala sa Philippine Eagle foundation, nga ning kasamtangan, gisugdan na nila ang paghimo sa mga kulungan sa agila didto sa bag-ong puy-anan niini.
Kahinumduman nga misugot ang City Government of Davao pinaagi ni Mayor Sebastian Duterte nga gamiton sa PEF ang 13 hectares isip breeding facility sa Philippine eagle.
Tumong sa pagbalhin sa mga agila sa laing lokasyon, aron nga malikay kini sa Avian Flu ug uban pang sakit ilabi na nga layo kini sa mga residente. Laraw usab nga tukoran og ospital sa Philippine Eagle ang maong lugar.
