Gilauman nga makasinati ang mga motorista og dakong rollback sa presyo sa produktong petrolyo sa sunod nga semana human sa pag-ayo sa relasyon tali sa Estados Unidos ug Iran. Sumala sa preliminaryo nga pagtantiya sa Department of Energy o DOE, posibleng mokunhod og P4 hangtod P5 kada litro ang gasolina, samtang P8 hangtod P10 kada litro ang diesel, ug P9 hangtod P11 kada litro sa kerosene sa Hunyo 23.
Apan, gipahimangnoan sa DOE nga ang maong posibleng rollback dili pa sigurado ug mahimong mausab depende sa nagpadayon nga kasabutan sa posibleng ceasefire tali sa Estados Unidos ug Iran.Dugang pa sa kawalay kasiguruhan, naapil usab ang anunsyo sa Switzerland nga giuswag ang gikatakdang panaghisgot tali sa duha ka nasud nga unta magpalig-on sa mas lapad nga kasabutan sa kalinaw sa rehiyon.
Sa pagkakaron, wala pa’y bag-ong iskedyul nga gipagawas alang sa pagpadayon sa maong negosasyon, hinungdan nga padayon nga ginabantayan sa mga eksperto ang lihok sa merkado sa lana sa kalibutan.
