Gibasura sa International Criminal Court (ICC) ang petisyon sa kampo ni kanhi Pangulong Rodrigo Duterte kabahin sa hurisdiksyon sa korte.
Subay sa desisyon sa ICC Pre-Trial Chamber nga gipagawas niadtong Oktubre 23, gibarugan niini nga adunay sila’y awtoridad nga ipadayon ang kaso batok sa kanhing pangulo tungod sa crimes against humanity.
Dugang pa niini, gibutyag sa korte nga pwede gihapon nilang atimanon ang kaso bisan pa man nga sa Pilipinas nahitabo ang krimen.
Gidili usab sa korte ang hangyo sa depensa nga ipadaplin ang pagpagawas sa maong desisyon.
Nagpasabot kini nga magpadayon ang prosecution sa kaso sa The Hague.
Kahinumdoman nga naaresto si Duterte niadtong Marso 11 subay sa mando sa ICC isip kabahin sa ilang imbestigasyon sa “war on drugs” sa panahon nga siya pa ang pangulo.
Ang confirmation of charges gipahiluna unta niadtong Setyembre 23, apan gipadaplin kini tungod sa hangyo sa kampo ni FPRRD.
Lakip usab sa gibasura sa ICC Pre-Trial Chamber ang hangyo sa defense team nga tugotan ang kanhi pangulo nga makagawas samtang nagpadayon ang kaso kon Interim Release.
