DAVAO CITY – Gibuhi-an na ang usa sa duha ka mga person of interest may kalabotan sa paglugos ug pagpatay sa usa ka Brendalyn Batoto, 14 anyos, Grade 7 Student sa Digos City National High School Annex nga taga-Barangay Tiguman, Digos City ning milabay nga adlaw ug bag-ohay lamang nakaplagan ang patay nga lawas sa biktima nga gikatahapan nga gidakdakan ug hollow block.
Naila ang gibuhi-an nga person of interest nga usa ka John-John Ignacio, hamtong ang pangidaron, menyo, residente sab sa Barangay Tiguman sa nahisgutan nga dakbayan nga dunay nakita nga lama sa dugo sa iyang shortpants nga bahin.
Una siyang gi-imbetahan kagahapong adlawa sa katahap nga may kalabotan siya sa krimin, apan sa dihang gi-imbestigahan sa kapolisan hugtanon nga nanghimakak ang suspek nga may kalabotan siya niini.
Ang ikaduhang persons ug interest nga naila nga usa ka Victor Malano, alyas Longlong, 32 anyos, ulitawo, residdente sab sa Barangay tiguman ang gipabilin sa kapolisan human nga ang na-recover nga stripe nga green ug itom nga t-short nga nakuha sa lugar gi-angkon sa suspek nga iya, apan upat ka bulan na sumala pa niya kini nga gibasuran.
Nahibulong ang mga pulis nga lunhaw pa ang nahimutangan niini.
Gihikay na karon ang kasong lugos ug pagpatay batok ngadto sa usa ka Victor Malano.
