DAVAO CITY – Kabsan sa kinabuhi ang usa ka trabante sa Land Transportation Office Davao human nga gidunggab pasado alas 2 kagahapon sa kadlawon sa may Rizal Extension, Brgy 38-D, ning dakbayan.
Sumala pa ni PMaj. Marvin Hugos, hepe sa San Pedro Police Station nga giila ang biktima nga si Gordon Gildo Gabrinez, 34-anyos ug ang suspek kinsa boluntaryong misurender sa otoridad naila sa Ravin Mulat Cedenyo, 30-anyos nga encoder ug residente sa Brgy. 8-A.
Nasayran nga mikumpisal sumala pa ang asawa sa suspek nga dunay nahitabo kanila sa biktima hinungdan nga daling gi-adtoan ang panimalay og gidunggab.
Naka-angkon og samad dinunggaban ang biktima sa likod ug sa kuto-kuto nga bahin sa lawas nga miresulta sa iyahang hinanaling kamatayon.
Pagpang-sina kon selos ang usa mga ginalantaw nga motibo sa krimen.
Gihikay na usab ang pagpasaka og kasong Murder batok sa suspetsado nga anaa karun sa kwerpo sa kapulisan.
