-- ADVERTISEMENT --
Nailhan na ang personahe sa DENR nga gipusil-patay sa wala mailhing suspetsado sa National Highway, Nabunturan Davao De Oro, kagahapong adlawa.
Giila ang biktima nga si Eduardo Orias Severino, 60 anyos, minyo, residente sa Brgy. Poblacion, Nabunturan.
Subay sa inisyal nga imbestigasyon, samtang naglawig sa Maharlika National Highway paingon sa Tagum City ang biktima, kalit na lamang kining gipusil sa wa mailhing suspetsado nga maoy hinungdan sa iyang hinanaling kamatayon.
Ning kasamtangan, padayon pa ang pagpahigayon og lalom nga imbestigasyon alang sa motibo sa krimen kalakip na ang pag-ila sa suspetsado aron matagaan og hustisya ang kamatayon ni Severino.
