DAVAO CITY – Balhog sa karsel ang usa ka peke nga dentista human kini nga nasapon sa gikasang operasyon sa Criminal Investigation ang Detection Group kon CIDG, ning nakalabayng adlaw.
Giila ni PCapt Diosdado II S. Niones ang dinakpan nga si Arnold Pulvera Estrada, 34 anyos minyo kinsa residente sa Purok Sambag, Ebrio Villag, Barangay Tres de Mayo, Digos City.
Nasapon sa CIDG ang nahisgutan nga nagpaka aron ingnon nga doctor bisan paman nga wala kini lisensiya gikan sa Philippine Dental Association.
Nakuha sa nahisgutan ang 500 pesos marked money, 3 ka piraso sa dental pliers, usa ka gum separator, usa ka ordinary plier, 4 ka hexagel ug uban pang himan sa dentista.
Kasong paglapas sa Philippine Dental Act o RA 9484 ang giatubang nga kaso karon sa nahisgutan kinsa anaa na sa kwerpo sa kapulisan.
via || Bombo Mel Valledor
