DAVAO CITY – Nagpahimangno ang otoridad ngadto sa publiko nga likayan ang mga peke nga dentista sanglit mamahimong mabutang sa risgo ang panglawas.
Tipik lamang kini human ang ulahing insidente diin nasikop sa hiniusang puwersa sa CIDG Davao Oriental PFU11 ug Mati City Police Office Station atol sa entrapment operation sa Redulla Traveler’s Inn, Barangay Central Mati City, Davao Oriental ang usa ka nagkapa-arun ingnon nga dentista.
Sumala pa kang PLtCol Ernesto Gregore, Hepe sa Mati PNP, gidakop ang mga nahisgutan human nga illegal sumala pa kini nga nagataud ug braces nga hugtanong gidili usab sa ahensiya sa Philippine Dental Association (PDA) ilabi na nga wala mi-agi sa igong pagtuon ang mga nahisgutan ug mamahimong mabutang sa risgo ang mga kliyente niini.
Una ng naila ang mga dinakpan nga sila si Mohammad Reeza Sacre Bajunaid, 22-anyos ug Norjan Tapia Bajunaid, 25-anyos, susama nga mga residente sa Purok Matanog, Barangay Bagua-1, Cotabato City, BARMM.
Narekober sa kapulisan atol sa op;erasyon ang mga butang nga iyang gigamit sa pagtaud ug braces.
Susama karon nga balhug ang mga nahisgutan sa Mati City Police Station ug mag-atubang ang mga nahisgutan ug kasong paglapas sa Republic Act 9484 kon Philippine Dental Act of 2007.
Gitambagan sab sa otoridad ang publiko nga kung adunay nasayran nga nalambigit sa susama nga mga aktibidad, mas maayo sumala pa nga makiglambigit gilayon sa ilang buhatan.
