DAVAO CITY – Libuan ka katawhan ang misalmot sa peace rally nga gipahigayon karong adlawa nga gipasiugdahan sa mga kanhi sakop sa New Peoples Army (NPA) sa nagkadaiyang bahin niing rehiyon.
Gibana-bana nga mokapin sa tres mil ka mga tawo ang mipartisipar sa rally nga gipahigayon sa Davao Oriental.
Mismo si Davao Oriental Governor Nelson Dayanghirang uban sa tag-as nga mga opisyal sa probinsya ang nanguna sa programa sa Provincial Capitol Gym sa wala pa hingpit nga Day of Unity, Peace and Porgress Peace Rally.
Sa pikas bahin, misalmot usab sa rally ang mga opisyal lokal nga kagamhanan sa Compostela, Compostela valley province sa pagpanguna ni Mayor Lema Bolo uban sa mga municipal ug barangay functionaries.
Samtang, padayon usab nga nanawagan si Compostela Valley governor, Jayvee Tyron L. Uy sa mga aktibong sakop sa NPA nga mobalik na sa sabakan sa gobyerno aron makab-ot ang malungtarong kalinaw.
Kadaghanan sa mga kanhi rebelde nga misalmot sa peace rally nga gipahigayon sa tagum City ang naggikan sa halos tanang mga lungsod sa Compstela Valley province.
Dugang pa ni Governor Uy, nga sa kasamtangan, miabot na sa dul-an 4 mil ka mga rebelde ang misurender ug mibalik sa sabakan sa kagamhanan.
