Gisalmutan sa pipila ka mga kandidato sa Dakbayan sa Davao ang nahimong imbitasyon gikan sa COMELEC XI alang sa Candidate Briefing ug Peace Covenant Signing, kagahapong adlawa sa Almendras Gym ning syudad.
Anaa sa maong aktibidad ang Assistant Regional Director sa COMELEC XI nga si Atty. Gay Enumerables, DCPO Director PCol. Hanxel Marantan ug pipila ka mga kandidato sa mga nagkadaiyang posisyon dinhi sa dakbayan sa Davao.
Tumong sa maong panagtigum, mao ang pagpahimangno ngadto sa kandidato sa mga angay ug dili angay nga pagabuhaton alang sa umalabot nga eleksyon.
Gipasabot sab niini ang mga tukmang silot alang ngadto sa mga nagabaligya ug nagapalit og boto, o bisan unsang matang sa vote buying, diin hingpit kining ginadili.
Atol sab sa maong aktibidad, mipirma ug nanumpa sab ang mga kandidato isip pledge of commitment, alang sa tinud-anay ug walay hugaw nga pagabuhaton samtang ginapahigayon na ang eleksyon.
