DAVAO CITY – Plano karon sa Peace 911 usa ka localized peace and development initiative program sa dakbayan sa Davao ang pagpalapad sa ilang coverage sa 17 pa ka mga barangay human ang reklamo sa pipila ka mga Brgy. Captain nga nahimutang sa insurgency-prone areas.
Kahinumduman nga ang nahisgutan nga programa gipangunahan ni Davao City Mayor Sara Duterte-Carpio nga una ng gilusad sa milabay nga tuig kini aron nga masolusyonan ang social ug economic injustices pinaagi sa paghatag ug serbisyo ingon man assistance sa mga napasagdan nga lugar.
Nasayran nga orihinal nga gipatuman ang Peace 911 sa 14 ka mga Barangay sa Paquibato ug Calinan Districts apan gipalapdan kini sa daghanan pa nga mga barangay kalakip na sa Tugbok, Toril ug Marilog Districts.
Gawas sa national panel una na sab nga gimugna ang Regional Task Force aron nga masiguro nga tanan nga mga local government units ang makiglambigit sa peace process.
