DAVAO CITY – Sama sa milabay nga mga eleksiyon, gihatagan sab sa ilang kahigayonan ang mga giilang Persons Deprived of Liberty (PDLs) sa Davao City Jail (DCJ) nga makaboto sulod sa pasilidad.
Sumala pa kang BJMP-Davao Captain Edo Lobenia, mikabat sa 12 ka mga presinto ang gi-ablihan ilalom sa 12 clusters diin anaa sa 460 inmates nga gilangkuban sa mga babaye ug lalaki ang nakaboto.
Una ng nasayran nga ang male dormitory sa Davao City Jail ang adunay pinakadakung populasyon sa mga botante nga anaa sa 207 voters, 135 voters sa female dormitory, ug 117 sa annex population.
Gikanayong subay sa latest data sa Bureau of Jail Management and Penology (BJMP)-Davao, nga ang nahisgutang 460 PDLs sa DCJ ang kalakip sa kinatibuk-ang 1,090 registered PDL voters sa Davao Region.
Apan sa maong 967 lamang ang nakaboto.
Samtang ang nahibilin nga 123 PDLs ang wala na nasubay ang ilang pangalan sa listahan sa Commission on Elections (Comelec) o posibleng nakagawas na sa presohan.
Samtang tanan nga mga PDL nga gipaboto ang susama nga fully vaccinated arun nga masiguro sab ang panglawas sa mga nahisgutan samtang anaa sulod sa presohan.
Nahimong hapsay sab ang pagboto sa mga PDL human nga gi-assist ang mga nahisgutan sulod sa mga voting rooms nga gipahimutang sa pasilidad.
Sama sa absentee voting ang mga PDLs gitugtan lamang nga makaboto sa president, vice president, usa ka partylist, ug dili mosobra sa 12 senators.
Ang mga PDLs nga gitugtan nga makaboto mao kadtong anaa sulod sa unom ka bulan pa lamang ug kadtong mga wala pa gi-sentensiyahan sa ilang gi-atubang nga kaso.
