Gibutyag ni Edgar Jubay, ang Regional Director sa Philippine Drug Enforcement Agency (PDEA) XI nga wala matud pa maapektuhi ang ilahang buhatan, labot sa panghitabo sumala pa sa kongreso ug sa senado nga adunay kalabutan sa war on drugs sa nakalabayng administrasyong Duterte.
Sigon pa niini, nga ilaha lamang matud pang ginatutukan mao ang ilahang adbokasiya ug trabaho, alang sa pagbatok sa iligal nga droga.
Dugang pa ni Jubay, nga naanad na sumala pa sila sa mga natigayong mga pagsaway ngadto kanila, apan ginapaningkamotan sab gihapon sumala pa nila ang ilahang mga trabaho, hilabi na sa paghatag og pagtagad sa mga operasyon batok sa mga nalambigit sa ginadiling droga dinhi sa rehiyon.
Pagpaklaro pa niini nga wala silay laraw nga mulambigit ang ilahang buhatan sa bangi sa pulitika, gumikan dili sumala pa kini sakop sa ilahang mandato.
