DAVAO CITY – Pakusgan pa sa Philippine Drug Enforcement Agency kon PDEA 11 ang ilang pakigbatok sa naghitak nga ilegal nga droga dinhi sa Davao Region.
Sumala pa ni PDEA 11 regional director Nuravy Duquiatan, niabot na sa 55 kilos sa marijuana ang nakumpiska sa ilang buhatan karong tuiga.
Dugang sab nga mas daghanan sab ang nibalhin gikan shabu ngadto na sa marijuana nga gikatuohang mas dali nga i-transport ngadto sa mga kliyente sulod ug gawas sa rehiyon.
Gipasalig sa buhatan nga mas gipahugtan pa ang seguridad sa mga utlanan sa rehiyon partikular na sa Bukidnon-Talaingod, Davao del Norte boundary nga gikatahong naghitak ang pag-deliver og mga kontrabando sa maong dapit.
Patas-an pa ang checkpoint operations sa nasangpit nga dapit sa pakig-alayon sa mga militar ug kapulisan.
Sa pikas bahin, gipapaigmat karon sa buhatan ang katawhan mahitungod sa ginabaligya karon nga baked pastries sama sa cookies ug cake nga dunay sagol nga sagol nga powedered marijuana nga gikataho nga ginabaligya online.
Matud pa sa opisyal, nabalik na sa merkado ang nahisgutang produkto nga susama gihapon ang epekto sa pure form marijuana nga nagtukmod sa usa ka mamalitay nga mupalit pag-usab gumikan sa pagka-adik niini.
Ginasuta pa sa PDEA 11 ang mga nagpasiugda niini.
via || Bombo LJF
