DAVAO CITY – Gibutyag sa Philippine Charity Sweepstakes Office (PCSO) nga plano nila nga patas-an pa ang ilang collection ngadto sa P52 billion sa 2020.
Sumala pa kang PCSO general manager Royina Garma nga karong tuiga, anaa sa P47 billion ang ilang nakolekta o mas ubos kung itandi sa 2018 total revenue nga P62 billion.
Gikanayong ang nakolekta sa milabay nga tuig ang mas taas kung itandi karong 2019 kini tungod sa record-high P1.18-billion lotto jackpot prize.
Nasayran nga ang PCSO adunay pipila ka mga produkto nga gilangkuban sa Lotto, Keno, Sweepstakes, ug ang kontrobersiyal nga Small Town Lottery (STL).
Gikanayong ang mga natigom nga revenue sa nahisgutan nga mga padula ang igahin sa ilang charity programs sama sa Individual Medical Assistance Program (IMAP).
Samtang human ang sunod-sunod nga linog sa Mindanao, migahin sumala pa ang ahensiya ug P10 million alang sa mga apektadong probinsiya ug munisipalidad.
Magdugang sila ug P3 million alang sa Davao del Sur ug Cotabato.
