DAVAO CITY- Pormal na nga milingkod isip Acting City Director si Police Colonel Hansel Marantan sa Davao City Police Office, kagahapong adlawa.
Gipahigayon ang maong seremonya sulod sa DCPO Compound diin gilayon sab nga nagpahigayon og Command Conference ang opisyal human sa maong programa.
Nag-unang pokus ni Marantan alang sa syudad mao ang crime prevention uban sa laraw nga mapa-ubos ang crime solutions pinaagi sa pagpadayon sa RATS TUGIS kon pagdakop sa mga indibiwal nga nalambigit sa Robbery, Akyat Bahay, Theft, Salisi, Snatching ug uban pa.
Gikanayon ni PCol. Hansel Marantan, acting city director sa DCPO nga padayon kining maningkamot sa pagpangita og mga pamaagi aron nga mapadayon ang kalinaw ug kahusay sa syudad sa Davao luyo paman sa mga nasinatiang kontrobersiya.
Gitagaan usab og gimbug-aton sa opisyal ang kampanya sa pagsugpo sa illegal nga droga uban sa tabang sa mga Brgy. Officials.
Una na usab nisaad og padayong suporta si Davao City Mayor Sebastian Baste Duterte sa DCPO uban sa panghinaot nga buhaton sa mga gitalaga nga opisyal ang ilang tinud-anay ug maayong serbisyo sa katawhan.
Sa pikas bahin, giklaro ni PCapt. Hazel Tuazon, ang tigpamaba sa DCPO nga dili maalisdan si Maranta susama sa mga natigayon sa nakalabayng adlaw gumikan nagsilbi lamang kini isip Acting City Director.
Kahinumduman nga gituboy si Col. Marantan isip Acting City Director human sa mga kalit nga paghulip nila Col. Lito Patay nga dul-an lima ka oras lamang milingkod ug Col. Sherwin Butil nga kapin oras ka oras lamang usab nga nilingkod kaniadtong Hulyo 10, 2024.
