Laraw ni PCol. Hansel Marantan, ang Acting City Director sa Davao City Police Office (DCPO), nga mag mugna og immediate class course, diin maoy adunay kalambigitan matud pa sa warrant of arrest batok ngadto sa mga ginakunsiderang hardcore criminals.
Sumala pa ni Marantan nga buot niining ipahinumdum ngadto sa mga sakop sa DCPO nga angayan gayud nga mamahimong magbinantayon sa pagsilbo og warrnate of arrests, diin kinahanglang himoun kining stratigacally ug cautiously nga pamaagi.
Kini human sa usa ka panghitabo niadtong nakalabayng adlaw, diin usa ka Pulis gikan s DCPO ang nakabsan sa kinabuhi, human napusila kini sa ua ka wanter person nga adunay patong-patong nga 4 ka mga arrest warrants.
Nailhan ang maong pulis nga PSSG Noel Marundan, ang Intelligence Officer sa Police Station 7, sa Paquibato District. Samtang suspetsado usab nga maoy nakatabla kaniya mao si Nestor Dabawnon Ansayod alyas Osie, taga Sitio Allon, Malabog, Paquibato District ning syudad.
Nasayran nga ang suspek adunay 2 counts of murder, kidnapping and serious illegal detention ug robbery by a band.
Samtang, gibutyag usab ni PCapt. Hazel Tuazon ang tigpamaba sa DCPO nga notorious criminal matud pa ang maong suspetsado diin adunay mga patong-patong nga mga kaso ang gipahamtang ngadto kaniya, diin gikanayon niini nga dili matud pa basta-basta ang mga kaso usab niining giatubang.
Dugang sab ni Tuazon nga makonsidera na matud pa maong suspek nga usa ka pugante, diin nagatag-tago na matud pa kini sa balaod.
Sa laing bahin nagpaabot usab og pahasubo si Davao City Mayor Sebastian Baste Duterte ngadto sa mga pamilya sa namatay nga pulis nga si Marundan.
Gipasidunggan ni Baste ang kaisog ni PSSg Marundan, ug lakip na usab nga magpabilin matud pa kini nga mutatak sa hunahuna ug kasing-kasing sa mga tawo ang pagka-isog niini aron nga makab-ot ang malinawon ug kahapsay nga komunidad.
Samtang gidayeg usab sa maong Mayor ang mga sakop sa DCPO nga padayon gihapong magmatinud-anon sa ilahang mga trabaho, aron nga makahatag og saktong serbisyo ngadto sa mga katawhan, partikular na ang mga lumulupyo dinhi sa syudad sa Davao.
