DAVAO CITY – Gipasalig sa Philippine Coast Guard nga tutokan nila ang mga beach resorts sa dakbayan ilabi na sa nagkaduol nga holy week sa mosunod nga semana.
Kalakip sab sa mga bantayan sa otoridad ang mga pantalan aron nga masigurong luwas ang sea travel. Sumala pa kang Coast Guard District Southeastern Mindanao (CGDSEM) information officer Michell V. Ursabia nga pipila sa mga Coast Guard personnel ang i-deploy sa nagkadaiyang pantalan ug wharves ayha ang semana santa.
Gawas sa pagsiguro sa seguridad sa mga pasahero, gimonitor sab karon sa Coast Guard ang mga kadagatan batok sa bahad sa terorismo.
Sumala pa kang Commodore Roy A. Echeverria PCG, iya ng gimandoan ang tanan nga unit nga pahugtan ang seaborn ug coastal patrols aron nga mamentina ug mabantayan ang AOR (area of responsibility). Kahinumduman nga magsugod ang Holy week sa abril 14 hangtud sa 20 nga usa sa mga pinaka-okupado ug pagsaka sa ihap mga tawo nga mouli sa ilang tagsa-tagsa ka mga probinsiya.
Samtang nanawagan ang opisyal ug kooperasyon ngadto sa publiko ilabi na kung magpatuman ug hugtanon nga inspeksiyon.
