Nagpadayag ug pagpasalamat si PBGen. Nicolas Torre III ngadto kang General Rommel Francisco Marbil ug ni Pangulong Bongbong Marcos Jr. gumikan sa nadawatan niining “trust and confidence” sumala pa nga gitagana kaniya samatang milingkod pa kini isip Regional Director sa Police Regional Office XI.
Sumala pa ni Torre, nunot pa man sa mga pagpanghulga ug hagit nga iyahang natagamtaman samtang milingkod kini isip Director sa PRO XI, napabilin matud pa niya nga nabuhat sa kapulisan ang tukmang serbisyo nga gikinahangalan sa katawhan.
Kahinumdumang si General Torre maoy nanguna sa pagpangita kang Pastor Apollo Quiboloy nga kaniadto padayong nagatago-tago, gumikan sa mga kaso niining ginaatubang, susama sa qualified human trafficking, child ug sexual abuse ug uban pa.
Dili usab makalimtan sa katawhan ang iyahang nabuhat kaniadto, atol sa pagpaimplementa niini sa arrest warrant batok kang Quiboloy, gumikan usa ka dakong kaguliyang ang nahitabo sa dihang wala kini lipod-lipod nga gisulod sa kinatibuk-ang pwersa sa kapulisan ang KOJC compound aron nga pangitaon si Quiboloy ug milungtad ang maong gipahigayong operasyon ug 16 ka adlaw, ayha kini nadakpan ang nasampit nga pastor.
