Gitubag ni PRO XI Regional Director PBGen. Nicolas Torre III ang matud pa panghimakak niini kabahin sa pagdakop sa usa ka kaubanan ni Pastor Apollo Quiboloy.
Sumala pa ni PBGen. Toree III, gamay lang ang nakabalo sa ilang operasyon ug posibleng ang napangutan-an sa legal counsel ni Quiboloy nga si Atty. Israelito Torreon ang wala lang gayuy kasayuran.
Giapsalig usab sa opisyal nga committed ang mga kapulisan aron nga madakpan ang nagtago-tago nga si Quibooy uban ang upat pa niining kaubanan ug aduna na matud pa silay mga detalye sa posibleng gikahimutangan sa mga nahisgutan.
Nalakbitan usab sa opisyal ang matud pa daghanang changes nga nahitabo sa syudad kung diin nakatampo aron matuman ang ilang operasyon.
Una nang gibutyag sa legal Counsel ni Pastor Quiboloy nga si Atty. Israelito Torreon nga nga nagpadala kini ug mensahe ug nagtawag kini sa heneral atol sa pagkasikop kang Pauline Canada.
Sumala pa sa Regional Director nga walay nadawat kini nga mensahe gikan sa abogado sukwahi sa gipasiatab niini nga nagtawag ngadto kaniya apan wala niini gitubag.
Nagduda ang opisyal nga basin ug lahi nga numero ang gitawagan sa legal counsel sa pastor.
Samtang gipaklaro sab niini nga wala na silay komunikasyon ni Atty. Torreon hangtud nga ilahang nadakpan si Canada. Gen Torre.
