Nakighimamat si Pangulong Ferdinand R. Marcos Jr. kang United Nations Secretary-General António Guterres sa United Nations (UN) sa Headquarters sa New York alang sa usa ka bilateral meeting.
Gihisgutan nila ang nagkadaiyang mga hisgutanan ilabi na ang pag-bid sa Pilipinas alang sa usa ka dili permanenteng pwesto sa UN Security Council, nga ang eleksyon gikatakda sa umaabot nga Hunyo 3, 2026.
Ang meeting usa ka lig-on nga pamatuod sa dugay na nga pakigtambayayong sa Pilipinas sa UN ug gipamatud-an pag-usab ang pasalig sa nasud sa pagpalig-on sa multilateral nga kooperasyon, sama sa gipakita sa kandidatura sa nasud alang sa usa ka lingkuranan sa Security Council.
Sa kasamtangan anaa sa New York si Pang. Marcos alang sa iyahang duha ka adlaw nga working visit.
Mihatod usab ang pangulo sa iyahang speech sa UN og mihatag kini og mensahe sa mga representante ug mga lideres sa tibuok kalibutan ilabi na sa kasamtangan nga sitwasyon sa middle east.
