CEBU CITY – Gibarugan ni Pang. Ferdinand R. Marcos Jr. ang una niining pamahayag nga ang 2025 national budget wala maglangkob sa bisan unsang blangko nga mga butang samtang ang General Appropriations Act (GAA) nag-atubang sa ligal nga hagit sa Korte Suprema karong panahuna.
Atol sa nahimong pagpamulong niini sa 20th National Convention of Lawyers sa Cebu City, gibutyag sa Pangulo nga isip Presidente, iyahang gisusi ang 2025 GAA, ug gisusi usab niini ang kapin sa 4,000 ka pahina sa nasampit nga pondo.
Sumala pa ni Marcos nga niadtong miaging bulan, iyaha ng gibasa ug gisusi pag-ayo ang 4,057 nga mga panid sa General Appropriations Act alang sa 2025.
Liwat ug pamahayag ang Pangulo human ang iyang kanhi executive secretary nga si Vic Rodriguez, misang-at og petisyon sa Korte Suprema, nga nagbutyag nga ang 2025 GAA “ilegal” ug “kriminal.”
Gipahayag ni Rodriguez nga dili ang GAA ang adunay blangko kundili ang report sa bicameral committee kung diin maoy basehan sa GAA.
Una na usab nga giangkon ni Marikina Rep. Stella Quimbo ang blangko sa bicameral report dungan usab sa pagpasabot niini.
