Nanawagan si Pangulong Ferdinand Marcos Jr. ngadto sa mga Pilipino nga mangita na sumala pa og inspirasyon sa kamaayo og kalig-on nga angayang ipakita sa isig kaingun, taliwala sa mga pagsulay niadtong tuig 2024.
Mao sab kini ang angay nga baunon karong bag-ong tuig, tuig 2025 dinhi sa nasud.
Sa iyahang mensahe, gidut-an ni Pangulong Marcos ang kamahinungdanon sa paghinumdum sa pagpaningkamot nga gipakita sa mga Pilipino sa pag-atubang sa mga kalamidad ug uban pang hagit nga nakaapekto sa kinabuhi niadtong nakalabayng tuig.
Gipunting niya nga ang mga higayon niini maoy kinahanglang makita isip mga simbolo sa panaghiusa ug pagkamakugihon nga naghatag og pamaagi alang sa pagsamot sa pagpalambo sa nasud.
Giawhag sab niya ang mga Pilipino nga mukuha og inspirasyon gikan sa dili maihap nga kaisug, pagpaningkamot ug pagkabayani nga nasaksihan sa mga panaho sa kalisod ug kalamidad.
Dugang pa ni Marcos, nga sa pinaagi sa hiniusang kusog, mamahimo sumala pang subling mamugna sa mga Pilipino ang nawala ug matuman ang pangandoy sa usa ka Bag-ong Pilipinas, diin ang mga pangandoy maoy mutungha ug ang matag Pilipino maoy mulambo.
