Nagpaabot og patimbaya si Pangulong Ferdinand Marcos Jr., human sa nahimong opisyal nga pagpanumpa sa pwesto ni US President Donald Trump isip ika-47 nga pangulo sa Estados Unidos.
Sa mensahe sa Pangulo, gitimbaya usab ni Pangulong Marcos ang mga lumulupyo sa US, alang sa usa na usab ka malinawong pagbalhin sa liderato sa ilahang panggobyerno.
Sumala pa ni Pangulong Marcos, nga “looking forward” na ang iyahang administrasyon nga makatrabaho ang Trump Administration.
Nagalaom usab si PBBM alang sa mas lig-on nga pakig-alayon ngadto kang Trump ug sa administrasyon niini.
Gipaklaro usab sa Pangulo nga ang kusgan ug dugay na nga alyansa sa Pilipinas ug Amerika maoy magpadayon sa paghatag og pagtagad sa susamang panglantaw sa pagpalambo ug seguridad sa isig ka nasud.
