Dili musugot si Pres. Ferdinand Marcos Jr. nga mupatigbabaw ang tumong matud pa sa pipila nga birahon paubos ang nasud gumikan lamang sa politika.
Gipaniguro sa pangulo nga nunot pa man sa mga patutsada sa ikaduhang pangulo batok kaniya, magpabilin matud pa ang iyang pagtunol og serbisyo sa nasud.
Apan, di niini tugutan nga makompromiso ang ‘Rule of Law’ ug angay gihapon nga mulabaw ang balaod sa bisan unsang sitwasyon bisan kinsa man pa man ang maigo.
Sa nahimong pahayag sa pangulo kagahapon, kabalak-an matud pa ang sagunson ug walay undang nga pagpamalikas ug pagbahad sa planong pagpapatay kanila.
Dugang pa sa pangulo nga ang pagbaton sa kamatuoran mamahimong maangkon lamang og di iagi sa ‘tokhang’.
Hinoon, nanghinaot gihapon ang pangulo nga mahuman na ang kagubot pinaagi sa malinawon nga pamaagi gumikan mao kini ang magdala sa kamatuoran.
Gani, gibalikan sab sa pangulo ang 12 niini katuig nga pagpanebesyo sa Kongreso rason nga angay lamang hatagan og katarungan ang gihatag matud pa nga gahom sa katawhan.
