Hingpit nga ginamonitor ni Pangulong Bongbong Marcos Jr. ang sitwasyon ug epekto nga dala sa Bagyong Julian, diin miigo kini sa pipila ka mga dapit sa Northern Luzon.
Sumala pa ni Marcos, nga nakapreposisyon na usab ang mga ipang-apud-apud nga mga hinabang alang sa mga nabiktima sa nasampit nga bagyo.
Gidugang usab niini nga mas mukusog pa ang bagyo rason nga nag-awhag kini ngadto sa publiko nga mag-amping.
Sa laing bahin, subay sa mga komento usab sa kadaghanang katawhang pilipino labot sa flood control project sa gobyerno, diin hangtod karun ginakwestyon gihapon kini, hilabi na nga aduna na usab usa ka istruktura nga Bolo River Flood Control Project sa Ilocos Norte ang bag-ohay lamang nalumpag gumikan sa kakusog sa hapak sa tubig baha nga dala sa Bagyong Julian.
Sa karun, pabilin gihapon nga walay giluwat nga pamahayag ang gobyerno kabahin sa maong damyos sa mga flood control structures.
