Human na ang malipayong adlaw sa mga nalambigit sa maanomalya nga flood control projects. Ingon niini gipasabot ni Pangulong Ferdinand Marcos Jr. sa press briefing sa Malacañang.
Gibutyag sa Pangulo nga dili mahimong Merry ang Christmas sa mga tawo nga nalakip sa anomalya, gumikan tutukan ug posibleng makulong ang mga responsable.
Gibutyag ni Marcos nga naa na’y mga kaso sa Office of the Ombudsman batok sa pipila ka mga DPWH officials sama nila Henry Alcantara, Bryce Hernandez, Jason Mendez, ug ang magtiayon nga Discaya, nga kabahin sa 37 ka pangalan nga nalambigit sa flood control anomalies.
Gireport usab sa Pangulo ang pagkumpiska sa 13 ka luxury vehicles sa mga Discaya tungod sa irregularities sa documentation sa ilang importasyon.
Gipasakahan na usab og criminal charges sa Ombudsman ang mga kompanya sama sa St. Timothy Construction, Wawao Builders, ug Syms Construction Trading.
Nagsugod na usab ang Anti-Money Laundering Council (AMLC) sa pagpagawas og freeze orders, nga karon nakaabot na sa pito ka freeze orders nga nagkantidad og P6.3 billion.
Sa kinatibuk-an, ang 37 ka mga indibidwal, nga naglangkob sa mga kongresista, kanhing DPWH officials, ug contractors, mao ang gi-submit na sa Independent Commission for Infrastructure (ICI) ngadto sa Ombudsman.
