Gitambungan sa nagkadaiyang supporters gikan sa managlahing dapit ning nasud ang opisyal nga pag-abri sa Palarong Pambansa 2024 sa Cebu City, kagahapong adlawa.
Sumala pa nga ang nakatampo sa maong gidaghanon mao ang pagdugang og rehiyon nga kanhi 17 lamang sa nakalabayng tuig ang karon anaa na sa 19 ka mga competing teams.
Gipangunahan ni President BongBong Marcos ang maong aktibidad kung diin gipadayag niini ang iyang kalipay ug pagsuporta sa mga kabataang atleta.
Atol sa iyang speech, gikanayon niini ang kamahinungdanon sa maong event alang sa pag-ila sa mga professional athletes nga madevelop ug madiskubrehan pag-abot sa panahon.
Dugang pa sa pangulo nga dili lamang kini selebrasyon sa dula, apan kalakip na sa unity ug camaraderie.
Today, we continue this important legacy, celebrating not just the games but also celebrating the unity, the camaraderie, and the national pride that these games inspire
President Ferdinand Marcos Jr. on his PALARONG PAMBANSA 2024 message
Sa pikas bahin, nagpaabot sab og mensahe si Davao City Mayor Sebastian Baste Duterte sa Davao Eagles kagahapon, diin gipunting niini ang dakong suporta ug pasalamat sa mga athletes ug coaches nga nagrepresenta sa Davao Region.
Atol usab sa pakighinabi sa Bombo Radyo Davao kay Marlou De Asis, school principal sa Magallanes Elementary School, adunay unom ka mga representante sa dula nga Arnis ang ilang tulunghaan ug masaligon kining makab-ot sa mga bata ang kadaugan.
Karong adlawa gikatakda ang pagdula sa larong lahi diin sumala pa sa mga hingtungdan ahensya sa Cebu City, labing ginabantayan nila ang lakat sa panahon aron masiguro ang seguridad ug kaluwasan sa mga atleta.
Alayon niini, nakaantabay angmga medical teams hilabi pa sa higayong adunay mangayo og tabang.
