Gipaseguro ni Pangulong Ferdinand Marcos jr., sa Department of Eduation (DepEd) nga segurohon ang maayong serbisyo sa tubig ug kuryente sa mga tulunghaan sa nasud.
Personal nga gibisita sa Pangulo ang Epifanio de Los Santos Elementary School sa Maynila kung diin gipakisayran niini ang sitwasyon sa unang adlaw sa pagtungha ug kung unsa pa ang mga gikinahanglan.
Gisuroy sa pangulo ang mga classroom ug nagbaton kini ug higayon nga adunay interaksyon sa mga batang estudyante. Gipaneguro usab sa pangulo nga tibuok ang suporta sa gobyerno ilabi na sa edukasyon. imando-an usab niini ang DOH, DSWD, DTI ug DOTr nga tabangan ang DepEd.
Gusto usab sa pangulo nga himuong prayuridad ang pagtarong ug paglimpyo sa mga CR sa tulunghaan gumikan kay nabalaka ang presidente sa posibleng sakit nga makuha, gumikan sa kakulang sa suplay sa tubig.
Gimandoan usab sa pangulo ang DICT nga palapdan pa ang internet coverage gumikan kay 60% pa lamang sa mga tulunghaan ang adunay internet.
Gikumperma usab sa pangulo nga pagasugdan na sa gobyerno ang feeding program sa mosunod nga bulan.
