-- ADVERTISEMENT --
Gilayon nga nagpahigayon og pagtuon ang mga Regional Tripartite Wage and Productivity Boards kabahin sa posibilidad nga pagtaas sa sweldo sa mga trabahante sa tibuok nasud.
Sumala sa Department of Labor and Employment (DOLE), mosunod gilayon sila sa mando ni Pang. Ferdinand Marcos Jr. Sa pagsaulog sa ika-123 nga adlaw sa mga mamumuo (Labor Day), gibutyag sa pangulo nga padayon pa ang ginahimong pagtuon sa Regional Tripartite Boards kabahin sa isyu sa sweldo.
Iyang gipasigarbo nga sukad pa niadtong Hunyo, adunay 16 ka mga rehiyon nga nakapatuman na og pagsaka sa sweldo. Gisiguro usab sa DOLE nga ilahang gipaspasan ug gitubag ang tanang mga hangyo sa pagtaas sa sweldo alang sa mga mamumuo.
