Gikondena ni Pangulong Ferdinand Marcos Jr. ang pag-atake kang BARMM Interim Chief Minister Abdulraof Macacua ug sa iyang mga kauban sa Datu Odin Sinsuat, Maguindanao del Norte.
Nanawagan si Palace Press Officer Usec. Claire Castro nga magpabiling kalmado ang tanan ug respetuhon ang tawhanong katungod, ilabina ang kinabuhi sa matag Pilipino.
Mas gipalig-on na usab ang seguridad sa mga komunidad sa Bangsamoro region ug nagpahigayon og mas lawom nga imbestigasyon aron mailhan ug mapanubag sa balaod ang mga responsable sa pag-atake.
Gipasalig sa Pangulo nga bisan pa sa insidente, dili kini makapugong sa paningkamot sa gobyerno nga mapadayon ang hapsay nga transisyon ngadto sa demokratikong pagdumala sa Bangsamoro.
Naglusad na ang mga militar ug Philippine National Police og manhunt operations batok sa mga suspek aron madakpan ug mapanubag sa balaod.
