Gibutyag ni Pangulong Bongbong Marcos Jr. nga dili overkill sumala pa ang ginabuhat nga operasyon sa kapulisan sa KOJC Compound, atol kana sa pag silbi ug warrant of arrest kang Pastor Apollo Quiboloy.
Dugang pa niini, nga wala usab kini kalabutan sa pagpamulitika.
Kinahanglan lamang sumala pa niini ug daghan gayud nga mga personahe sa kapulisan, gumikan 30 ka ektarya ang kadak-on sa maong compound kung asa pangitaon ang maong Pastor.
Dugang sab niini nga dili sab daw niya masabtan nganong hangtod karun dili gihapon musurender ang ginapangita nga pastor, nga aron unta mahiluna na ang maong sitwasyon ug wala na usab sumala pa madamay nga mga myembro niini.
Apan, sa laing bahin, dako ang gikakurat sa mga taga KOJC sa dihang gibutyag sa Pangulo nga wala sumala pa nagdala ug mga pusil bisan usa ang mga kapulisan nga gi destino sulod sa KOJC Compund.
Sukwahi kini matod pa sa nagakatag karon sa social media nga diin, bitbit sa mga kapulisan ang mga pipila ka mga high-powered nga mga armas.
Gikanayon sa mga taga KOJC nga imposible sumala pa ang pagka-walay hibangkaagan sa maong Pangulo.
