Giawhag ni Pangulong Ferdinand Marcos Jr. ang mga sundalo nga magpabiling naka focus sa ilahang misyon, nunot pa man sa mga kaguliyang ug sab sa palibot niini labi na sa isyu sa politika.
Gipahinumdum sa Pangulo nga ang trabaho lamang sa mga sundalo mao ang pagpabilin sa kalinaw ug protektahan ang katawhang Pilipino.
Samtang ang misyon usab sa Pangulo, mao ang pagpanindot sa nasud ug dili alang lamang sa pakig-away ngadto sa mga butang nga walay hinungdan.
Gipaklaro sab ni Marcos, nga usa lamang ang misyon sa tanan, diin mao ang protektahan ang katawhan ug ang Republika sa Pilipinas.
Gisiguro sab ni PBBM ngadto sa mga sundalo ang tibuok niining suporta sa administrasyon ngadto sa AFP, PNP ug sa tanan nga mga ahensya nga anaa sa ilawom sa SOLCOM.
Gipasalamatan sab ni Marcos ang mga sundalo sa ilahang dedikasyon ug serbisyo sa nasud, diin giawhag sab kini nga ipadayun ang ilahang pagkamaayo sa ilahang mga trabaho, aron nga makab-ot ang mas luwas ug progresibong Pilipinas.
Gipaklaro sab sa Pangulo nga gikinahanglan gayud sa panahon karun ang panaghiusa.
Aron nga masiguro ang kalinaw, seguridad, ug kaluwasan sa mga lumulupyo ug ginsakpan sa nasud.
Gidayeg sab sa Pangulo ang mga nahimong kontribusyon sa mga sundalo, hilabi na ang ilahang paspas ug epektibong paghatag og pagtagad sa unom ka sagunsun nga mga bagyong miagi sa nasud sulod lamang sa 23 ka adlaw.
Gipunting sab sa Pangulo, nga gumikan sa maayong trabaho sa mga otoridad, giila karun ang Pilipinas isip eksperto matud pa sa disaster response.
Sumala pa nga nagapakita sab kini og kalig-on nunot pa man sa mga limitadong resources.
