Daw gibasol ni Pangulong Ferdinand R. Marcos Jr. ug gikurat sab matud pa niini sa dihang iyang nadiskubrehan nga giwagtang sa milabay’ng administrasyong Duterte ang “standard procedure.”
Ang maong proseso, sumala sa Pangulo, maoy nagsilbing yawe aron malikayan ug mabatukan ang mga anomaliya sa mga proyekto sa gobyerno, labi na kadtong mga proyekto nga dagkong kantidad sa pondo ang gigahin sama sa pagpatukod og mga imprastraktura ug uban pang pasilidad nga naglakip sa mga kalsada, tulay, ug mga eskwelahan.
Dugang pa ni Marcos Jr., nga ang pagkawala sa maong standard procedure mahimong usa ka dakong hinungdan sa pagkadugay sa implementasyon sa pipila ka proyekto ug sa posibilidad nga makasulod ang mga peke o dili kwalipikadong kontraktor sa bidding process.
Iyang gipasabot nga gipangitaan na og pamaagi sa kasamtangang administrasyon nga mabalik ang maong sistema aron masiguro ang transparency ug accountability sa paggamit sa pondo sa katawhan.
