Gikumpirma ni Department of Interior and Local Government (DILG) Secretary Jonvic Remulla nga aduna nay napili si Pangulong Ferdinand Marcos Jr. nga bag-ong hepe sa Philippine National Police (PNP) nga mopuli kang PNP Chief PGen. Rommel Francisco Marbil nga matapos na ang iyahang termino karung Hunyo 7.
Matod pa sa opisyal, nga nakigsulti na siya sa Pangulo ug dili na kuno kinahanglan nga maghatag pa ug rekomendasyon kay aduna na kini napilian kung si kinsa ang mamahimong lider sa PNP.
Bisan pa niini, wala pa gibutyag sa kalihim ang ngalan sa sunod nga PNP chief ug miingon nga pasagdan na lamang ang Pangulo ang mopahibalo niini sa labing madali nga panahon.
Lakip sa mga posibleng mopuli mao sila Lieutenant General Jose Melencio C. Nartatez Jr., Lieutenant General Robert Rodriguez, Lieutenant General Edgar Alan Okubo, Police Major General Nicolas Torre III, ug Police Major General Anthony Aberin.
