Nagpabilin ang pagsalig ni Presidente Ferdinand Marcos Jr. ngadto kang Department of Public Works and Highways (DPWH) Secretary Manny Bonoan bisan pa sa reklamo sa pagbaha ug isyu sa flood control projects.
Sumala pa ni Palace Press Officer ug PCO Undersecretary Claire Castro, nga kompyansa gihapon ang pangulo sa kapasidad ni Bonoan.
Sumala pa nga ipadayag sa Presidente ang mga ngalan sa kontraktor ug opisyal nga mapamatud-ang nagpasagad o nakinabang sa pondo sa dihang mahuman ang imbestigasyon.
Giklaro sab sa Palasyo nga susihon ang listahan aron mahimo kining giya sa publiko sa pag-ila sa mga proyekto.
Mas istrikto na usab ang gobyerno sa pag-aprobar sa bag-ong kontrata, ilabi na batok sa mga kumpanyang napakyas sa ilang naunang proyekto o adunay dautang rekord.
Gipasiugda sab ni Castro ang papel sa media ug publiko sa pag-imbestigar sa kalidad sa mga kontraktor.
Sa laing bahin, giingon ni Senador JV Ejercito nga adunay “espesyal nga lugar sa impyerno” alang sa mga nalambigit sa maanomalyang flood control projects, diin giangkon niyang aduna kini daghang tinagoan, rason nga nagpabilin ang problema sa pagbaha sa daghang lugar sa nasud.
