DAVAO CITY – Giimbestigahan na karon sa Talomo Police Station ang gipadangat nga reklamo sa usa ka Marisol Asuelo, 35 anyos,minyo, residente sa Tupaz St. Matina ning dakbayan sa Davao kalabot sa insidente nga gi-unay sumala pa ug kawat ang iyang payong-payong sa nangarkila niini.
Giila ang suspek nga si Edward Yuson, 18 anyos, lumulopyo sa Gravahan Tangcunan Matina ning siyudad.
Sumala sa biktima nga kaniadtong Pebrero 11 pa gidala sa suspek ang unit apan wala na kini gibalik kaniya.
Sa gihimong pagpanubay, narekober sumala pa ang payong-payong sa Malubay St. Sto. Nino ning siyudad nga naka-kandado ug gi-abandona.
Gituohang nalambigit sab kini sa disgrasya kini human nga nalumping na ang motorsiklo ug posibleng kini sab ang hinungdan nga wala na giuli sa suspek ang unit ngadto sa nanag-iya niini.
