Nabantayan sumala pa ni 1-Rider Party-list ug young gun Rep. Rodge Gutierrez, ang kanunay nga ginahisgut ni Vice President Sara Duterte, labot nga siya na unta matud pa ang makadaog isip pagkapangulo niadtong tuig 2022, apan iyaha na lamang gihatag ang maong higayon ngadto kang Pangulong Bongbong Marcos Jr.
Sumala pa ni Gutierrez, nga ang tuyo og tumong lamang sa Bise Presidente, kung ngano mao kini ang kanunay niining gikanayon mao ang tataw nga pagpamulitika lamang, diin adunay laraw nga mudagan gayud kini isip pagka-pangulo sa nasud sa musunod nga piniliay.
Sigon sa maong young gun, nga tuyo sumala pa ni VP Sara mao ang ginahimo niining diversionary tactics, aron nga mabalhin ang atensyon sa publiko, labot sa tinuod nga isyu nga adunay kalambigitan sa gikaingong anomalya sa Office of the Vice President.
Sa laing bahin, una na sab nga gibutyag ni VP Sara nga nabantayan na niining wala na sumala pay laing nakita ang mga kongresista ug naka-focus na lamang kini ngadto kaniya ug sa OVP.
Dako ang pagtuo sa bise presidente nga gituyo kini sa mga kongresista aron tabunan ang mga kakulangon sa gobyerno ug aron dili mapansin, makit-an, ug madungog sa mga tao ang kabuang, korapsyon, ug kahiwian nga ginahimo sa panggamhanan.
