DAVAO CITY – Girespeto sumala pa sa lokal nga panggamhanan ang katungod sa mga indibidwal nga magpahigayon ug protesta isip pamaagi sa ilang pagpadayag ngadto sa mga kadalanan bisan pa man nga mipatigbabaw karon ang balaud militar.
Gimandoan sab kanunay ang mga sakop sa kapulisan ug kasundalohan nga ipatuman ang maximum tolerance kung makig-atubang sa mga protesters aron nga malikayan ang kagubot.
Apan sa nahitabo sumala pa pa kagahapon nga gilangkuban sa mga sakop sa Davao City Police ug mga nagprotesta nga mga mamumuo sa Coca-Cola Femsa ang kinahanglan sumala pa ug hinanali sa otoridad kalakip na ang dispersal sa demonstrasyon ug pagsikop sa napulo ka mga protesters.
Ang maong lihok protesta mihatud sumala pa ug kompremiso sa interes sa publiko. Wala sab matud pa gitagad sa mga nag-protesta ang pagpaningkamut nga mapahigayon sa malinawon nga pamaagi ang negosasyon.
Tungod niini, gipahimangnoan ni Davao City Mayor Inday Sara Duterte-Carpio ang mga nagprotesta nga kung magpahigayon ug lihok protesta kinahanglan nga dili babagan ang entrada ug paggawas nga bahin sa mga estrablisyemento, dili i-harass ang mga wala nag-protesta nga mga empleyado ug kinahanglan dili mohatud ug epekto sa dagan sa trapiko ingon man ngadto sa mga motorista ang ipahigayon nga mga aktibidad.
Bisan tuod nga gihatagan ang mga protesters nga makapadayag sa ilang mga mulo ug reklamo, dili sumala pa exempted ang mga nahisgutan kung makasupak kini sa balaud.
Gikanayong ang 10 ka mga protesters nga gipangsikop ang gipang-inquest na kagahapon ug pasakahan ug criminal charges sa korte.
